Zum Theater

"Ds Chüejerglüt"

 1. Akt Bsatzrächnig

2. Akt Bsatztag

3. Akt Abesitz

4. Akt Füür u Flamme

5. Akt Scheidabe

Bir Früehligsversammlig chöme Bärgrächtsbsitzer vor Gmiinschaftsalp Grüenebode vorem Restaurant Alpenblick zemä. No gli is merkt me, dass Kari als Bärgvogt wi sit Jahre alls na sim igete Grind wott düristiere. Dr nüj Alpcheser Ueli wott Verschiednigs ir Grüenebodecheserie verbessere, was Kari nid eso passt. Scho sim Junge Pius het Kari d’Liebschaft mit dr Sonja nid duldet. Wo während dr Bärgzyt si Tochter Hanni u dr Alpcheser Ueli enand necher chöme, luft ds Fass bi Kari ds vollem uber. De himer ds Godeli wo für d’Bärgrächtsbsitzere Marie ufem Bärg ischt. Äs gfitzts Chnächtli isches. Ja u ds Miggi, Pilz- u Chrüttersammlere, vome de gar nid öppe sölti underschetze. 

Es chunnt nar Früehligsversammlig dr Basatztag mit dr  Züglete, druf ä Abesitz vo de Grüenebodebärgler, wo wäge Kari nid i Stimmig chunnt. Wil Kari d’Liebschaft zwüsche Tochter Hanni u äm Alpcheser Ueli nid wott dulde, schickt är ds Hanni him u git sälber ds Bärg. Bim melche tuet Kari im Gjufel inne bim lufende Stromagregat Benzin ifülle, derbi gits ä Stallbrand wo är, siner Chüe u o ds Chüejerglüt ds schade chunnt. Im Sprung chöme vo allne Site d’Grüenebodeälpler ds Hülf u griffe zue. Im Spital het itz Kari Zyt, nim nache ds Sinne winer i Zuekunft mit de Grüenebodeälpler wott zemäläbe. 

Tage ufem Grüenebode gah witer u es würt Herbscht. Dr Schidabe vorem Abfahrtag ischt agrückt. Halbläbig usem Spital erzwingts Kari am Schidabe o derbi ds si. Ja ordeli wyt uf di gueti Site vom Gräbli ischt dr Kari ih sir Spitalzyt ghumplet, sogar mit em ne nüje Chüejerglüt chönne d Grunebodeälpler himzügle.

Informationen zum Freilichttheater Aeschiallmi

Den Erlös eines allfälligen Gewinns will das OK erneut Spenden. Ein Drittel geht an die Skilift Aeschiallmend AG, ein weiterer Drittel an das Hallenbad Aeschi und der letzte Teil an den Gothelfverein Frutigen-Niedersimmental.